Nangunguna si dating Senate President Aquilino “Koko”
Pimentel III at Senador Antonio Trillanes IV sa may pinakamalaking gastos o “top
spenders” sa Senado.
Batay sa report ng Commission on Audit (COA),
gumastos noong 2017 si Pimentel ng mahigit P127.8 million noong siya pa ang
nakaupong Senate President.
Sa itemized list na pirmado ni supervising auditor
Olympia Balugay, pinakamalaki umano ay inilaan sa sahod at mga benepisyo ng
staff ng senador na nagkakahalaga ng P49.2 million.
Sinundan siya ni Trillanes na may kabuuang gastos ng
P87 million kung saan P15.7 million ay napunta para sa consultancy fees habang
P39.8 million ang napunta sa suweldo at benepisyo ng kanyang mga empleyado.
Idinepensa naman ni Trillanes ang pagiging “second
top spender” na senador na aniya sinagad lang ng kaniyang opisina ang paggamit
nito.
“Every senator has the same budget allocation. My
office merely utilized those allocations instead of realigning them for other
purposes. Just to be clear, the COA report didn’t cite any irregularity on my
expenditure,” ayon kay Trillanes
No comments:
Post a Comment